روسیایا هاوا ساحه‌سینی قاپاتدی
اوکراینا باشباخانی، هاوا ساحه‌سینی ترانزیت گئچیش ده داخیل اولماق اوزره روسیایا تامامیله قاپادما قراری آلدیق‌لارینی سؤیله‌دی
اوکراینا، روسیایا هاوا ساحه‌سینی قاپاتدیغینی بیلدیردی.
اوکراینا باشباخانی آرسنی یاتسنیوک، باخانلار قورولونون توپلانتی‌سیندا، هاوا ساحه‌سینی ترانزیت گئچیش ده داخیل اولماق اوزره روسیایا تامامیله قاپادما قراری آلدیق‌لارینی سؤیله‌دی.
داها اؤنجه روس هاوا یولو شیرکت‌لری‌نین اوکراینایا اوچوش‌لارینی یاساقلاما قراری آلدیق‌لارینی خاطیرلا‌دان یاتسنیوک، روس طرفی‌نین اوکراینایا قارشی یوک و ترانزیت اوچوش قاداغا‌لارینی قالدیرماسینی گؤزلدیک‌لرینی ایفاده ائتدی.
یاتسنیوک،
"آما روسیا، هر زامان اولدوغو کیمی اوکراینا طرفی‌نین شرط‌لری قبول ائتمه‌دی. اوکراینا حؤکومتی اولا‌راق بو اوزدن اؤزللیکله، بوتون روس هاوا یولو شیرکت‌لری‌نین اوکراینا هاوا ساحه‌سینی ایستیفاده ائده‌رک ائتدیگی ترانزیت اوچوش‌لاری قاداغان ائدن قراری آلیریق" دئدی.
یاتسنیوک، آیریجا 25 نوامبر چرشنبه گونون‌دن اعتیبارا اوکراینانین روسیا‌دان طبیعی گاز ساتین آلیشینی دا دوردورما تعلیماتی وئردیگینی قید ائتدی.
یاتسنیوک، "اونلار (روسیا) قاریشدیریرلار. اونلار بیزه طبیعی گازی گؤندرمیر دئییل، بیز اونلاردان طبیعی گازی آلمیریق" دئدی.
اوکراینانین، آوروپا‌دان داها اویغون قیمته گاز آلدیغینی سؤزلرینه علاوه ائدن یاتسنیوک، اؤلکه‌سی‌نین گاز مصرفینی ده یوزده 20 آزالتدیغینی سؤیله‌دی.
روس انرژی شیرکتی گازپروم باشقانی آلکسی میلر، بو سحر یئنی اؤدمه ائدیلمه‌دیگی سببیله اوکراینایا اولان گاز نقلینی دوردوردوق‌لارینی بیلدیرمیشدی.
ایلگیلی‌لی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطه‌نی ووروب
