ایران باتیلی اؤلکهلرله اراک راکتؤرو موضوعسوندا راضیلاشدی
آنلاشمایا گؤره اراک مودرنلشدیرمه پروژهسیندن ایران مسئول اولاجاق، 5 + 1 اؤلکهلری ایسه پروژهیه یاردیمچی اولاراق موداخیل اولاجاق
ایران و آمریکا، روسیا، چین، فرانسا، اینگیلتره ایله آلماندان عبارت (5 + 1 اؤلکهلری)، "اراک راکتؤرونون مودرنیزاسیونو" موضوعسوندا راضیلاشدی
اوروپا بیرلیگی خاریجی علاقهلر و گوونلیک سیاستیندن مسئول یوکسک نمایندهسی فدریکا موگرینینین اوفیسیندن ائدیلن یازیلی آچیقلامایا گؤره، مودرنیزاسیون تاخیره سالینمادان باشلاماسی ایستنیر.
آنلاشمایا گؤره اراک مودرنلشدیرمه پروژهسیندن ایران مسئول اولاجاق، 5 + 1 اؤلکهلری ایسه پروژهیه یاردیمچی اولاراق موداخیل اولاجاق.
ایران، پروژهنین صاحبی و یؤنتیجیسی اولاراق لیدر رولو آلارکن، 5 + 1 اؤلکهلری ایسه پروژه چرچیوهسینده راکتورون دیزاینی، یاناجاق اینکیشاف، اورهتیمی، گوونلیک، راکتور پارچا تداروکو و ایستیفاده ائدیلمیش یاناجاق رهبرلیگی موضوعلاریندا دستک وئرهجک.
ایران و ایش قروپو، مودرنیزاسیون پروژهسی اوچون 5 ایللیک بیر پلان حاضیرلایاجاق.
ایران و 5 + 1 اؤلکهلری آراسیندا 14 ژوئیهده وینده الده ائدیلن گئنیش نوکلئر آنلاشماداکی اهمیتلی تعهدودلردن بیری ده 'اراک آراشدیرما راکتورونون مودرنیزاسیونو موضوعسو ایدی.
آنلاشمایا گؤره ایرانین، اراک آغیر سو راکتؤرونو یونگول سو راکتؤرونه چئویرمک و طبی آراشدیرمالار ائتمک اوچون یئنیدن تاسارلاماسی نظرده توتولور.
خاریجی ایشلر ناظیرلری طرفیندن ایمضالانان راضیلاشمانین، نوکلئر راضیلاشمانین ایجراسینا یؤنلیک اهمیتلی بیر آددیم اولاراق قیمتلندیریلیر.