حزبالله، ایسراییل عسگرلرینی ووردو
ایسراییل اوردوسونون لبنان سرحدینده گزن 9 آراجلیق قافلهسینه راکت آتیلدی
ایسراییل-لبنان سرحدینده گرگینلیک یوکسلیر.
حزبالله، شعبا تارلالاری بؤلگهسینده ایسراییل حربی آراجلارینی هدف آلدی.
ایسراییل ایسه لبنان سرحدینی بومبالاماغا باشلادی.
ایسراییل اوردوسونون لبنان سرحدینده گزن 9 آراجلیق قافلهسینه راکت آتیلدی.
1 آراجین وورولدوغو سالدیرینی حزبالله اوستلندی.
ایسراییل، سالدیریدا بیر عسگرین اؤلدوگونو 4 عسگرین ده یارالاندیغینی آچیقلادی.
حزبالله قایناقلاری ایسه سالدیریدا ان آز 4 عسگرین اؤلدوگونو ادعا ائتدی.
سالدیرینین آردیندان ایسراییل توپچوسو سرحدین اوبیر طرفینه آتیش ائتدی.
لبنان اوردوسو، ایسراییل طرفیندن 25 توپ مرمیسی آتیلدیغینی آچیقلادی.
گؤروشمهلارینی یاریدا کسیب ساوونما باخانلیغیندا دوزنلن عاجل توپلانتییا قاتیلان باشباخان بنیامین نتانیاهو، سالدیریلارین جاوابسیز قالمایاجاغینی بیلدیردی.
سوریه سرحدیندکی جولان تپهلرینده ده ایسراییل موضعلرینه سالدیریلدیغی خبر وئریلیر.
حزبالله بو سالدیرینی، ایسراییلین سوریهده 10 گون اؤنجه حزبالله قوموتانلارینا سالدیریسینا قارشیلیق اولاراق تشکیل ائتدیگینی آچیقلادی.
ایسراییلین، حزبالله قافلهسینه تشکیل ائتدیگی هاوا سالدیریسیندا، حزباللهین اوست دوزئی ساحه قوموتانلاریندان محمد عیسی و ایران انقیلاب گؤزتچیلری قوموتانلاریندان ژنرال محمد علی اللهدادی ایله بیرلیکده 4 میلیتان داها حیاتینی ایتیرمیشدی.
