بیرلشمیش میللتلر گوونلیک شوراسی پاکیشتان سالدیریسینی قینادی
بیرلشمیش میللتلر گوونلیک شوراسیندان ائدیلن آچیقلامادا، سالدیرینی بوینونا گؤتورن تروریست قروپون گوونلیک شوراسی بو قروپا مالیه، سلاح، ایشچی یا دا وسایل تامین ائدن بوتون فرد و یا حقوقی شخصلرین تحریم لیستهسینه اکلنهجگی خبردارلیغی ائدیلدی
مکتب سالدیریسینی قیناندی
پاکیستانین پیشاور شهریندکی بیر نیظامی مکتبه دونن دوزنلنن و چوخو اوشاق 148 نفرین حیاتینی ایتیردیگی سالدیرینی بیرلشمیش میللتلر گوونلیک شوراسینین، بیرلشمیش میللتلر باش کاتیبی بان کی-مون و یونیسف آغیر شکیلده قینادی.
بیرلشمیش میللتلر گوونلیک شوراسیندان ائدیلن آچیقلامادا، سالدیرینی بوینونا گؤتورن تروریست قروپون گوونلیک شوراسینین القاعده تحریملر لیستهسینده یئر آلدیغی ایفاده ائدیلهرک، بو قروپا مالیه، سلاح، ایشچی یا دا وسایل تامین ائدن بوتون فرد و یا حقوقی شخصلرین تحریم لیستهسینه اکلنهجگی خبردارلیغی ائدیلدی.
بیرلشمیش میللتلر باش کاتیبی بان کی-مون دا آچیقلاماسیندا، سالدیرینی "مدافعهسیز اوشاقلارا قارشی قورخاخچا ایشلنمیش قورخونج بیر جینایت" اولاراق حسابلایاراق، ان آغیر شکیلده قینادی.
بان، پاکیستان حکومتیندن سالدیرینین مسئوللارینی توتوب، محکمه اؤنونه چیخارماسینی ایستهیهرک، بوتون عضولردن بو موضوعدا پاکیستانا یاردیم اولماسینی طلب ائتدی.
یونیسفدن ائدیلن آچیقلامادا دا سالدیری قیناناراق، قانلی چاتیشمالارین بدلینی ان چوخ اوشاقلارین اؤددیگینه وورغو ائدیلدی.
230 میلیون اوشاغین هله ده چاتیشمالاردان تأثیرلنن اؤلکهلرده یاشادیغی یازیلان آچیقلامادا، اوشاقلارین یاخین کئچمیشده بو ایلکی قدر شدته معروض قالمادیغی ایفاده ائدیلدی.
ایلگیلیلی خبرلر
ایسرائیل اوردوسو لبنانین گونئیینه هاوا هوجومو ائندیریب
ایسرائیل اوردوسونا مخصوص ساواش اوچاقلاری لبنانین گونئیینده ان آزی 13 دفعه 4 نقطهنی ووروب