سوریه گیزلی 4 شیمیایی سیلاح تاسیسی اولدوغونو آچیقلادی

2013-جی ایلین آوقوست آییندا شامدا یاشانان شیمیایی سالدیری سونراسی، آمریکا بیرلشیک دولتلری و روسیا آراسیندا الده ائدیلن راضیلاشما گره‌یی سوریه‌نین مین 300 تون شیمیایی سیلاح رزرولری‌نین محو ائدیلمه‌سی قرارلاشدیریلمیشدی

150659
سوریه گیزلی 4 شیمیایی سیلاح تاسیسی اولدوغونو آچیقلادی

سوریه، بیرلشمیش میللت‌لره داها اوّل بیلدیرمدیگی گیزلی 4 شیمیایی سیلاح تاسیسی اولدوغونو آچیقلادی.
بو اهمیت‌لی معلوماتی بیرلشمیش میللت‌لر تشکیلاتی‌نین باش کاتیبی‌نین خصوصی نماینده‌سی چرشنبه آخشامی گونو ائدیلن گوونلیک شوراسی کونفرانسیندا آچیقلادی.
2013-جی ایلین آوقوست آییندا شامدا یاشانان شیمیایی سالدیری سونراسی، آمریکا بیرلشیک دولتلری و روسیا آراسیندا الده ائدیلن راضیلاشما گره‌یی سوریه‌نین مین 300 تون شیمیایی سیلاح رزرولری‌نین محو ائدیلمه‌سی قرارلاشدیریلمیشدی.
گئجیکمه‌لره باخمایا‌راق شیمیایی سیلاح‌لارین یوخ ائدیلمه‌سی تاماملانمیشدی.
شیمیایی ماده‌لرین یوخ ائدیلمه‌سی‌نین آردین‌دان سیرا تاسیس‌لرین آرا‌دان قالدیریلماسینا گلمیشدی.
قورغولارین ییخیلماسی عملیاتینا بو آی ایچینده باشلانماسی گؤزلنیلیر.
آنجاق ائدیلن سون آچیقلاما سوریه‌نین شیمیایی سیلاح پروقرامی موضوعسوندا شفاف اولمادیغی و بعضی تاسیس‌لری گیزلمه‌یه چالیشدیغی ایستیقامتین‌دکی شوبهه‌لری آرتیردی.


اتیکتلر:

ایلگیلی‌لی خبرلر