روحانیدن عراق آچیقلاماسی
ایران پرزیدنتی، عراقداکی گلیشمهلرله ایلگیلی، "ایندییه قدر کؤمک طلبی گلمهدی آنجاق عراق حکومتی کؤمک ایستهسه بونا حاضیریق" دئدی.
ایران پرزیدنتی حسن روحانی، عراقداکی گلیشمهلرله ایلگیلی اولاراق، "ایندییه قدر کؤمک طلبی گلمهدی آنجاق عراق حکومتی کؤمک ایستهسه بونا حاضیریق" دئدی.
عراق شام ایسلام دؤولتی ترور هؤرگوتو میلیتانلارینین، عراقدا اؤزللیکله ایران سرحدینه یاخین بؤلگهلری اله گئچیرمهسی قونشو دؤولتی آلارما گئچیردی. روحانی، دؤولت تلویزیونوندا بؤلگهدکی سون دورومو دگرلندیردی.
روحانی، ترورا قارشی اللریندن گلن هر شئیی ائتمهیه حاضر اولدوقلارینی و تروریستلرین عراقین بوتؤولوگونه و گوونلیگینه ضرر وئرمهسینه ایجازه وئرمهیهجکلرینی ایفاده ائتدی. ایندییه قدر بغداددان کؤمک طلبی گلمهدیگینی سؤیلهین روحانی، هر هانسی بیر طلب گلیرسه، اولوسلارآراسی حقوق چرچیوهسینده هر جور دستیی وئرمهیه حاضر اولدوقلارینی ایفاده ائتدی.
ایران پرزیدنتی، ایشید میلیتانلارینا قارشی اولاسی بیر عملیاتدا آمریکا بیرلشمیش دؤولتلریله امکداشلیغا ده ایستی باخدیقلارینی سؤیلهدی.
آمریکالی یئتکیلیلردن ایسه بو سؤیلنتیلره قارشی ایرانلا، عراق قونوسوندا بیر امکداشلیق سؤز قونوسو دئییل شکلینده آچیقلاما گلدی.