آذربایجان اوردوسونون بؤلمه‌لری آغدام رایونونا داخیل اولوب

آذربایجان اوردوسونون بؤلمه لری 27 ایلدیر ائرمنیستانین ایشغا‌لی آلتیندا اولان آغدام رایونونا داخیل اولوب.

آذربایجان جمهوریتی‌نین پرزیدنتی، ائرمنیستان جمهوریتی‌نین باش ناظیری و روسیا فدراسیونونون پرزیدنتی‌نین ایمضالادیغی 3 طرف‌لی بیاناتا اساساً آذربایجان اوردوسونون بؤلمه‌لری نوامبرین 20-ده آغدام رایونونا داخیل اولوب.

قئید ائدک کی، آغدام رایونونون 77%-ی 1993-جو ایلده ائرمنیستان اوردوسو طرفیندن ایشغال ائدیلمیشدی. ایشغال سببیندن تخمینن 200 مین آذربایجان‌لی یورد-یووا‌لارینی ترک ائتمک مجبوریتینده قالمیشدی.

خاطیرلاداق کی، آذربایجان اوردوسونون سپتامبرین 27-ده باشلاتدیغی عملیات نتیجه سینده 5 شهر، 4 قصبه و 286 کند ایشغال‌دان آزاد ائدیلمیشدی. بو ظفردن سونرا مغلوب اولدوغونو اعتراف ائدن ائرمنیستان آغدام، لاچین و کلبجرین بوشالدیلماسینی نظرده توتان موقاویله نی ایمضالامیشدی.