آذربایجان پرزیدنتی: "شوشا شهری ایشغالدان آزاد ائدیلیب"
شوشا شهری ارمنی ایشغالیندان آزاد ائدیلیب.
شوشا شهری ارمنی ایشغالیندان آزاد ائدیلیب.
بونو آذربایجان پرزیدنتی، سلاحلی قوهلرین عالی باش قوموتانی الهام علی یئو بو گون خالقا مراجعتینده بیان ائدیب.
"من بو گون اولو اؤندر حیدر علی یئوین مزارینی زیارت ائتدیم، اونون روحو قارشیسیندا باش ایدیم. اورییمده دئدیم، خوشبخت آدامام کی، آتا وصیتینی یئرینه یئتیردیم. شوشانی آزاد ائتدیک! بو، بؤیوک غلبهدیر! بو گون شهیدلریمیزین، اولو اؤندرین روحو شاددیر! گؤزون آیدین اولسون آذربایجان! گؤزونوز آیدین اولسون دونیا آذربایجانلیلاری!"
بو سؤزلری آذربایجان پرزیدنتی الهام علی یئو خالقا مراجعتینده شوشانین ایشغالدان آزاد ائدیلمهسینین تاریخی اهمیتیندن دانیشارکن دئییب.
"من بو گونلرده دونیا آذربایجانلیلاریندان و آذربایجاندا یاشایان اینسانلاردان مینلرله مکتوب آلیرام. هر گون مینلرله مکتوب. سادهجه اولاراق، حیفیسلنیرم کی، بوتون بو مکتوبلاری اوخویا بیلمیرم. سادهجه اولاراق، واخت چاتمیر. نه قدر گؤزل سؤزلر، نه قدر بؤیوک دستک گؤستریلیر. بو گون بیز بیر داها بوتون دونیایا ثبوت ائدیریک کی، بیز بؤیوک خالقیق، بیز مغرور خالقیق! بیز یئنیلمز خالقیق! بیز دؤیوش مئیدانیندا دوشمنه یئرینی گؤستریریک!”، - دئیه مظفر عالی باش قوموتان الهام علی یئو وورغولاییب.
الهام علی یئو آذربایجان عسگرلرینین شوشا شهرینی ایشغالدان آزاد ائتدیگینی بیلدیره ره ک آذربایجان خالقینی تبریک ائدیب. بو گونون آذربایجان تاریخینده ابدی قالاجاغینی وورغولایان الهام علی یئو دئییب: "شوشانین آذربایجان تاریخینده خصوصی یئری وار. شوشا یالنیز آذربایجانین دئییل، بوتون قافقازین اینجیسیدیر. 28 ایل سونرا شوشادا اذان سسلری ائشیدیلهجک. ظفر یوروشوموز داوام ائدیر.ائرمنیستان رهبرلیگی طلبلریمیزه جاواب وئرمسه سونادک گئدجییک. خوجالی قوربانلارینین قانی یئرده قالمادی، شهیدلریمیزین قیصاصی آلیندی.قیصاصیمیزی دؤیوش میدانیندا آلدیق".
ایلگیلیلی خبرلر
شکی خان سارایینا توریست آخینی
شکی خان سارایی، طبیعت و تاریخین ایچ ایچه گئچدیگی بیر یئر اولاراق گؤرنلری حیران ائدیر