آذربایجان اوردوسو جبهه‌نین بوتون ایستیقامت‌لرینده دؤیوش عملیات‌لاری داوام ائدیر

ائرمنیستان سلاحلی قوه‌لری‌نین بؤلمه‌لری جبهه‌نین موختلیف ایستیقامت‌لرینده آذربایجان اوردوسونون بؤلمه‌لری‌نین موضع لرینی و یاشاییش منطقه‌لرینی موختلیف آتیجی سلاح‌لار، توپ و خمپاره لردن آتشه توتوب.

1523480
آذربایجان اوردوسو جبهه‌نین بوتون ایستیقامت‌لرینده دؤیوش عملیات‌لاری داوام ائدیر

آذربایجان اوردوسو جبهه‌نین بوتون ایستیقامت‌لرینده دؤیوش عملیات‌لاری داوام ائدیر

نوامبرین 6-سی گون عرضینده و 7-نه کئچن گئجه ائرمنیستان سلاحلی قوه‌لری‌نین بؤلمه‌لری جبهه‌نین موختلیف ایستیقامت‌لرینده آذربایجان اوردوسونون بؤلمه‌لری‌نین موضع لرینی و یاشاییش منطقه‌لرینی موختلیف آتیجی سلاح‌لار، توپ و خمپاره لردن آتشه توتوب.

آذربایجان مودافعه ناظیرلیگی‌نین مطبوعات خیدمتیندن بیلدیریلیب کی، دؤیوش عملیات‌لاری موختلیف شدتده اساساً جبهه‌نین آغدره، آغدام و خوجاوند ایستیقامت‌لرینده داوام ائدیب. دوشمن جبهه‌نین بعضی ساحه‌لرینده شخصی هئیت و حربی تکنیکادا ایتکی‌لر وئره‌رک گئری چکیلمه‌یه مجبور ائدیلیب.

جبهه‌نین آغدره ایستیقامتینده ائرمنیستان سلاحلی قوه‌لری‌نین 5-جی داغاتیجی آلایی‌نین مودافعه ساحه‌سینده دؤیوش موضع لرینین توپ آتشینه توتولماسی نتیجه‌سینده شخصی هئیت آراسیندا اؤلن و یارا‌لانان‌لار وار. دوشمن‌ین بیر نئچه اتومبیل تکنیکاسی و خمپاره قورغوسو سیرا‌دان چیخاریلیب.

آذربایجان اوردوسونون بؤلمه‌لری طرفیندن حیاتا کئچیریلن عملیات نتیجه‌سینده دوشمن‌ین 6-جی داغاتیجی آلایین 1-جی تابورو بؤلمه‌لری‌نین شخصی هئیت آراسیندا ایتکی‌لر وار. دوشمن‌ین D-30  دیویزیونونون 3-جو باتاریاسی‌نین توپ‌لاری دا سیرا‌دان چیخاریلیب.

حاضیردا جبهه‌نین بوتون ایستیقامت‌لرینده دؤیوش عملیات‌لاری داوام ائدیر.



ایلگیلی‌لی خبرلر