ائرمنیستانین تخریبات‌لاری نتیجه‌سینده هلاک اولان سیویل لرین سایی

آذربایجان جمهوریتی‌نین باش ساوجیلیغی ائرمنیستانین تخریبات‌لاری نتیجه‌سینده سپتامبرین 27-دن اوکتبرین 30-دک سیویل اها‌لییه قارشی تؤردیلمیش جینایت‌لرین ایستاتیستیکلرینی تقدیم ائدیب.

1518985
ائرمنیستانین تخریبات‌لاری نتیجه‌سینده هلاک اولان سیویل لرین سایی

آذربایجان جمهوریتی‌نین باش ساوجیلیغی ائرمنیستانین تخریبات‌لاری نتیجه‌سینده سپتامبرین 27-دن اوکتبرین 30-دک سیویل اها‌لییه قارشی تؤردیلمیش جینایت‌لرین ایستاتیستیکلرینی تقدیم ائدیب.

باش ساوجیلیق مطبوعات خیدمتیندن بیلدیریلیب کی، ائرمنیستان سلاحلی قوه‌لری‌نین یاشاییش منطقه‌لرینی آغیر توپ  قورغولاریندان‌ و راکت سیستم‌لریندن آتشه توتماسی نتیجه‌سینده سیویل لردن 91 نفر هلاک اولوب، 400 نفر ایسه خسارت آلیب. بوندان باشقا، ائرمنیستانین اوردوسونون شدتلی آغیر توپ و راکت آتشی نتیجه‌سینده 2442 ائو، 92 چوخ منزیل‌لی یاشاییش بیناسی و 428 سیویل یئر یارارسیز وضعیته دوشوب.

آچیقلامادا حیاتینی ایتیرن سیویل لردن 11-نین اوشاق، 27-نین ایسه قادین اولدوغو بیلدیریلیب. یارا‌لی‌لاردان 14-نون کؤرپه، 36-نین اوشاق، 101-نین ایسه قادین اولدوغو قئید ائدیلیب.

هوجوم‌لار نتیجه‌سینده 7 عائله‌نین عضو‌لری‌نین هامیسی هلاک اولدوقدا، 4 اوشاق والدین‌لرینی ایتیریب.

قئید ائدک کی، رشادت‌لی آذربایجان اوردوسونون سارسیدیجی جاواب ضربه‌لری قارشی‌سیندا سرعتله گئری چکیلن دوشمن اولوسلار آراسی حقوقون نورما و پرینسیپ‌لرینی، 1949-جو ایل تاریخلی ژنو کنونسیون لاری و اونلارین علاوه پروتوکول‌لارینی، بمت-نین تهلوکه‌سیزلیک شوراسی‌نین قرار و قطعنامه ‌لرینی کوبود شکیلده پوزا‌راق، آذربایجانین سیویل اها‌لی‌سینی قصداً هدفه آلماقلا دؤیوش عملیات‌لاری‌نین آپاریلدیغی بؤلگه‌دن اوزاق‌لیقدا یئرلشن آذربایجان شهرلرینی و اها‌لی‌نین سیخ یاشادیغی منطقه‌لری شدتلی آتشه توتور.

 



ایلگیلی‌لی خبرلر