ائرمنیستان داغلیق قاراباغا آذربایجان حربی فورماسیندا پ.کا.کا ترورچولاری گتیریب

ائرمنیستانین داغلیق قاراباغا سوریه و عراق-دان آپاردیغی پ.کا.کا ترورچولارینا آذربایجان حربی فورماسی گئییندیردیگی اؤیرنیلیب.

کشفیات منبع‌لرین‌دن الده ائدیلن معلوماتا گؤره، پ.کا.کا ترورچولاریندان‌ عبارت قروپ‌لار داغلیق قاراباغین شوشا شهرینه یئرلشدیریلیب.

معلوماتا گؤره، سؤزوگئدن پ.کا.کا ترورچولاری‌نین آذربایجان حربی فورماسی گئییندیک‌لرینه دقت چکن منبع‌لر، ائرمنی‌لرین اصل آذربایجان عسگرلرینده بو شکیلده چاشقین‌لیق یاراتماغی هدفله‌دیک‌لرینی و همین ترورچولار اؤلدورولدوکده آذربایجان اوردوسو طرفیندن سوریه-دن گتیریلن موزدلو اولدوق‌لارینی ادعا ائده‌جک‌لرینی بیلدیریرلر.

قئید ائدک کی، آذربایجان پرزیدنتی‌نین کؤمکچی‌سی حیکمت حاجی یئو ده ائرمنیستانین داغلیق قاراباغ‌-داکی جبهه خطینده پ.کا.کا ترورچولاریندان‌ ایستیفاده ائتدیگینی دئییب. آذربایجان اوردوسونون تورپاق‌لارینی قورتارماق اوچون باشلاتدیغی حربی عملیاتدا اسیر دوشن ائرمنی عسگری آلبرت میکائلیان دا پ.کا.کا ترورچولاری‌نین داغلیق قاراباغ-‌داکی ائرمنی سیرا‌لاریندا ووروشدوغونو اعتراف ائدیب و بو ترورچولارین بونون قارشیلیغیندا 600 دو‌لار معاش آلدیغینی اعتراف ائدیب.