آذربایجان مودافعه ناظیرلیگی: اهمیت‌لی ارتباطات خط لری نظارته گؤتورولوب

حاضیردا بوتون جبهه بویو دؤیوش‌لر داوام ائدیر. آذربایجان قوشون‌لاری عملیات شرایطینه نظارت ائدیر.

1515128
آذربایجان مودافعه ناظیرلیگی: اهمیت‌لی ارتباطات خط لری نظارته گؤتورولوب

حاضیردا بوتون جبهه بویو دؤیوش‌لر داوام ائدیر. آذربایجان قوشون‌لاری عملیات شرایطینه نظارت ائدیر.

اوکتبرین 23-و گون عرضینده و 24-نه کئچن گئجه جبهه‌نین آغدره، خوجاوند، فضولی، هادروت و قوبادلی ایستیقامت‌لرینده دؤیوش عملیات‌لاری موختلیف شدتی ایله داوام ائدیب.

آذربایجان مودافعه ناظیرلیگی‌نین مطبوعات خیدمتیندن وئریلن معلوماتا گؤره، ائرمنیستان اوردوسو آذربایجانین مودافعه موضع لرینی آتیجی سلاحلار، خمپاره لر و توپ‌لاردان آتشه توتوب.

آذربایجان اوردوسونون بؤلمه‌لری عملیات پلانینا اویغون جبهه‌نین معین ائدیلمیش ایستیقامت‌لرینده دؤیوش فعالیت‌لرینی داوام ائتدیریب.

جبهه‌نین خوجاوند، فضولی و قوبادلی ایستیقامت‌لرینده متشکیل مقاومت گؤستره بیلمه‌ین ائرمنیستان سلاحلی قوه‌لری بؤلمه‌لرینه آتشله جدی زیان وورولوب. دوشمن‌ین سلاح و مهمات، یانا‌جاق انبارلاری سیرا‌دان چیخاریلیب. بعضی ایستیقامت‌لرده دوشمن نیظام‌سیز قایدادا موضع لری ترک ائده‌رک گئری چکیلیب. اهمیت‌لی ارتباطات خط‌ لری نظارته گؤتورولوب، دوشمن‌ین بیر نئچه دایاق منطقه‌سی داغیدیلیب و واجیب یوکسک‌لیک‌لر آزاد ائدیلیب.

حاضیردا بوتون جبهه بویو دؤیوش‌لر داوام ائدیر. آذربایجان قوشون‌لاری عملیات شرایطینه نظارت ائدیر.



ایلگیلی‌لی خبرلر