Franśiyanıñ raslawların Änkara kire qaqtı

Franśiya törek flotınıñ Urta diñgezdä NATO missiyasın başqaruçu Franśiya köymäsen tınıçsız itüen alğa sörde.

Şuşı raslawlardan soñ Törkiyä êşkä kereşte. Törkiyä saqlanu ministrlığınıñ räsmi zatı yasağan yazma belderüdä raslawlarnıñ döreslekkä turı kilmäwe äytelde.

Belderüdä çınbarlıqqa turı kilmäwçe raslawlarnı alğa sörüneñ duslıq häm berlektäşlek ruxına tiskäre buluına, Franśiyanıñ NATO organnarına şuşı raslawların döresläwçe nindi dä bulsa anıq ber dälil täq’dim itä almawına basım yasaldı.

Raslawlarnı yuqqa çığaruçı böten neçkäleklärne Törkiyä Milli saqlanu ministrlığı NATOnıñ böten grajdan häm xärbi räsmiläre belän urtaqlaştı.

Hiçber räweşle radar belän küzätelmäwenä, yäğni tınıçsız itelmäwenä basım yasawçı Milli saqlanu ministrlığı räsmi zatı NATO ısulların häm diñgezdä iminlek qağidälären bozaçaq räweştä zur tizlek häm qurqınıç manevr yasalmawın belderde.

Köymädäge häm ştabtağı yazmalarnıñ tikşerelüe häm texnik mäğ’lümatlärneñ mondıy närsäneñ bulmawın kürsätüe assızıqlandı. Mäs’älä belän bäyle bularaq äzerlängän häm Törkiyäneñ xaqlı buluın isbatlawçı mäğ’lümat yazmasınıñ NATO ştabındağı böten grajdan häm xärbi räsmi zatlarına citkerelüe belderelde.