Azärbaycan "Qara ğıynwar" ütereleşen iskä aldı

Azärbaycan sovet armiyası tarafınnan “Qara ğıynwar” dip yörtelgän ütereleştä üterelgän grajdan qorbannarnı iskä aldı.

Ul çaqtağı däwlät citäkçese Mixail Gorbaçyovnıñ boyırığı belän 1990nçı yılnıñ 20nçe ğıynwarendä 26 meñ rus ğaskäriye Baqığa kerde häm awır xärbi caylanmalarnı häm qorallarnı qullanıp kübese qoralsız bulğan 150 azärbaycan grajdanın üterde, 744 keşene dä yaraladı.

Gorbaçyov birgän şuşı boyırıq kommunist citäkçelegen tarqaludan qotqaru, Ärmänstannıñ Tawlı Qarabaxnı annekśiyäläw kereşüenä yärdäm itü häm Azärbaycandağı bäysezlek xäräkäten bastıru maqsatın yörtä ide.

“Qara ğıynwar” Milli matäm köne dip iskä alınsa da şuşı ütereleştä häläq buluçılarnıñ 70 yıllıq sovet citäkçelegennän soñ il bäysezlegeneñ nigeze salınuı arqasında azärbaycannar öçen ğorurlıq köne bularaq ta qabul itelä.​​​​​​​

Musa Kasımlı, tarixçı: "20nçe ğıynwar könne Azärbaycan xalqı töp berlegen, berdämlegen yuğaltmadı​​​​​​​. Bu Azärbaycan xalqınıñ tarixında borılış noqtası buldı​​​​​​​. Ul könnän birle Azärbaycan xalqı şunı añladı: ilneñ yulı Sovetlar Berlege belän bergä bula almıy inde​​​​​​​.Azärbaycannıñ yulı bäysezlek yulı ide."