“PKK/YPG” terrorçıları Franśiya Senatında qunaq itelde, büläk aldı

Franśiya Senatı “PKK/YPG” terror oyışması äğ’zalären Parijda oyıştırılğan tantana belän qunaq itte.

Tantanada “PKK/YPG” terror oyışmasınıñ zur küpçelegen täşkil itüçe “SDG” äğ’zalärenä güya “maqtawlı medal’” birelde.

Terror oyışması äğ’zalären alqışlağan franśuz senatı “DEAŞ” terror oyışmasına qarşı “YPG/PKK”ğa yärdämen däwam itteräçägen dä iğ’lan itte.

Türkiyä Franśiyanıñ Änkara tulı wäqalätle ilçesen ministrlıqqa çaqırdı häm waqıyğanı kisken räweştä gäyıpläde.

Änkara xäzergä qadär AQŞnı häm Könbatış berlektäşlären ber terror oyışmasın yuq itü öçen başqası belän urtaqlıq urnaştırğanı arqasında qat-qat kisätkän häm protest itkän ide.

Waşington güyä “Süriyä demokratik köçläre” (SDG) iseme astında oyıştırılğan “YPG/PKK”nı “DEAŞ”qa qarşı köräştä töp urtaq bularaq bilgelägän ide.

“YPG” – “PKK” terror oyışmasınıñ Süriyädäge däwamı bularaq belenä.

Türkiyä AQŞ häm Awrupa Berlege tarafınnan terror oyışması itep qabul itelgän “PKK” Türkiyägä qarşı 35 yıl buyı alıp barğan terror ğamällärendä xatın-qızlar, balalar häm bäbilär belän bergä kim digändä 40 meñ keşeneñ ülemenä säbäp buldı.