“N’yu-York Tayms” Fälästin yaqlı tanılğan şäxeslärne tämek itep kürsätte

“New-York Times” 22nçe may şimbä könne menä şuşı reklamanı tulı bittä bastırdı.

Reklama, Fälästin däğwasın yaqlağan tanılğan şäxeslärne tämek itep alıp, alarnı antisemitizmda gäyepläde.

Bella häm Gidi Hadid. “Grämmy” büläge iyäse Dua Lipa.

Reklama ayıruça “Hamas”nı “ikençe xolokostqa çaqıru”da gäyepläde.

Yähüd ravvinı Şmuley Boteax tözegän “World Values Network” isemle oyışma şuşı tulı bittäge reklamanıñ aqçasın tüläde.

Dua Lipa sośial’ media akkauntınnan reklamağa cawap birde:

“Bügen “New York Times”ta “World Values Network” tarafınnan bastırılğan reklamadağı yalğış häm qotıçqıç gäyepläwlärne tulısınça kire qağam. Keşe xoquqların küzätü oyışması häm dä İzraille keşe xoquqları törkeme “B’Tselem” tarafınnan Fälästindäge ğamälläre arqasında zolımda häm diskriminaśiyädä gäyeplängän İzrail xökümätenä qarşı Fälästin keşe xoquqların yaqlaw öçen sez tülägän bäyä.

Min şuşı poziśiyädä toram, çönki yähüdlärneñ, möselmannarnıñ häm xristiannarnıñ, yäğni härkemneñ​​​​​​​ saylağan däwlätneñ tigez watandaşları bularaq tınıçlıqta yäşäw xoquqına iyä buluına ışanam

“World Values Network” bu yäm’sez omtılışnı däwam itü maqsatınnan çığıp​​​​​​​ kem buluıma häm närsäne wäkillek itüemä qağılışlı yalğannar häm yalğan bäyannar belän oyalmıyça isememne qullana.

Böten cäberlängän keşelär belän teläktäşlek êçendä bulırğa däwam itäm häm härtörle rasaçılıqnı kire qağam”