Musul operaśiyası
Ğiraq (Ğıyraq) ğaskäre häm ildäge körd qorallı köçläre Musulnıñ tön’yağında häm könçığışında operaśiya başlattı. Musulnı “DEAŞ”tan azat itü öçen ozaq waqıttan birle kötelgän operaśiyanıñ başlawın Ğiraq premyer-ministrı Haydar äl-Abadi dä iğlan itte. Düşämbe köneneñ irtänge säğätlärendä Musulnıñ könçığışına taba xäräkät itkän Ğiraq, körd häm amerikan xärbi berlekläre kürenä başladı. Amerika Quşma Ştatları citäkläwçe koaliśiya köçläreneñ hawa höcümnäre häm tup utı da başladı.
Ğiraqnıñ ikençe zur şähäre bulğan Musul ike yıldan artıq waqıt buyı “DEAŞ”nıñ kontrolendä häm Berläşkän Millätlär Oyışması isäpläwenä kürä ber millionnan kübräk tınıç xalıq yäşi.
