“Breksit”qa qarşı kampaniya
İngliz xökümätenä Awrupa Berlegennän ayırulu (Breksit) barışın ğamäldän çığaru çaqıruı yasalğan ğarizadağı imza sanı 5 millionnı uzdı.
"50nçe maddäne ğamäldän çığar häm Awrupa Berlegendä qal” isemle garizada: “Awrupa Berlegendä qalu öçen xalıq yaqlawınıñ köçen kürsätep monı beterüebez kiräk”, - dip äytelä.
Angliyada parlamentqa tapşırılğan ğarizalar 10 meñ imzağa citkän oçraqta xökümät taläpkä cawap birergä mäcbür bula.
İmza sanı 100 meñne uzğan oçraqta da ğarizadağı taläp parlamentta bäxäsläşelä.
“Breksit” barışı
Angliya 2016nçı yılnıñ 23nçe iyün’ könne uzdırılğan referendumda 48%qa qarşı 52% belän “Breksit” qararın qabul itkän ide.
Referendumda 17 million 410 meñ 742 keşe “Breksit” 16 million 141 meñ 241 keşe dä Awrupa Berlege äğ’zase bulıp qalu öçen tawış birgän ide.
