"Ğazzädä ütkännärgä kire qaytmas öçen härkem üz öleşen kertergä tiyeş"
İlbaşı bu xaqta Adanada yasağan çığışında citkerde

Törkiyä ilbaşı Räcäp Tayyip Ärdoğan partiyäseneñ Adana kongressında çığış yasadı.
Ul Ğazzädän uñay xäbär kilüenä basım yasap bolay dide: “Bezneñ dä tırışlıqlarıbız belän Fälästin qarşılıq kürsätü xäräkäte ”Xamas” belän İzrail arasında utnı tuqtatu turında kileşü tözelde. 15 aydan soñ Ğazzä xalqı beraz ciñel sulap quydı”,- dide.
Ärdoğan İzrail xökümäteneñ 467 kön genośid başqaruına qaramastan Ğazzä xalqınıñ qarşı toru iradäsen, telägen beterä almawın belderde.
Törkiyä ilbaşı Ğazzädä ütkännärgä kire qaytmas öçen härkemneñ üz öleşen kertergä, İzrailgä daimi basım yasalırğa tiyeşlegen assızıqladı.
Ärdoğan Ğazzä xalqın 467 kön yalğız qaldırmawların, utnı tuqtatu çorında da alarğa yärdäm itü öçen böten mömkinleklärne qullanaçaqların äytte.
”Suğış häm keşelek cinayäte êşläwçelärne cawapqa tartu öçen köräşebez däwam itäçäk”,- dide Törkiyä ilbaşı.