Törkiyä AQŞınıñ Kön’yaq Kipr grek citäkçelegenä qoral satu qararın ğayepläde
Tışqı êşlär ministrlığı:"Bu qararnı zur xata dip sanıybız"
2231503

Törkiyä Amerika Quşma Ştatlarınıñ Kön’yaq Kipr grek citäkçelegenä qoral satu qararın ğayepläde.
Tışqı êşlär ministrlığı älege qararğa qağılışlı belderü yasadı.
“AQŞ nıñ Kön’yaq Kipr grek citäkçelegenä qoral satu häm anıñ xärbi künegülär öçen yaraşlı il itep bilgelänüe turındağı qararnı ğayeplibez. Utrawda qorallanu êşçänlegen arttıraçaq bu qararnı zur xata dip sanıybız. AQŞnıñ tizdän xakimiyätkä kiläçäk yaña citäkçelegeneñ xäzerge ilbaşı qabul itkän bu yalğış adımnan kire qaytuın telibez. Törkiyä Tön’yaq Kipr Törek Cömhüriyäteneñ saqlanu sälätlären arttıru maqsatı belän yasayaçaq adımnarın yaqlawnı däwam itäçäk”,- diyelä tışqı êşlär ministrlığı belderüendä.