Fäxrettin Altun "TRT", “Anadolu agentlığı” häm şäxsi media oyışmalarınıñ tırışlığın bilgeläp ütte

Törkiyä ilbaşınıñ cämäğat’çelek belän êlemtä idaräse başlığı Fäxrettin Altun "TRT", “Anadolu agentlığı” häm şäxsi media oyışmalarınıñ Ğazzädäge zolımnı dön’yağa citkerü öçen köräştä zur uñışqa ireşülären söyläde. Ul başqala Änkarada 2nçe Êlemtä şurasına äzerlek seminarında çığış yasadı.

Altun global’ krizislarnıñ artuına iğ’tivarnı cälep itep, Törkiyäneñ “Härkem öçen ğadellek” şiğare belän xalıqara mäydanda konstruktiv rol’ başqaruın assızıqladı.

Êlemtä räise İzrailneñ Ğazzädäge basıp aluları, fälästinlelärgä qarata ütereşlärne tuqtatu öçen iniśiativa kürsätep dön’ya cämäğat’çelegen küp tapqırlar adım yasarğa çaqıruların assızıqladı. “Bu prośessta barlıq mäğ’lümat oyışmalarıbız "TRT", “Anadolu agentlığı” häm şäxsi media kompaniyälärebez İzrailneñ Ğazzädäge zolımın böten dön’yağa kürsätü öçen zur köç quydı häm uñışqa ireşte”,-dip söyläde Fäxrettin Altun.