Ärdoğan: "Süriydä tınıçlıq telibez"

Törkiyä ilbaşı Räcäp Tayyip Ärdoğan kürşe däwlät Süriyäneñ 13 yıl buyı kötelgän xozur häm tınıçlıqqa ireşüenä ömetlänülären äytte. Ul AK partiyäneñ Ğaziantäp şähärendä uzğan kongressında çığış yasap kön üzägendäge waqıyğalarğa, bigräk tä Süriyädäge xällärgä tuqtaldı.

Ärdoğan: “İdlibtä tınıç xalıqqa höcümnärneñ artuı - çınayaqnı taşıtqan tamçı ide, ul soñğı waqıttağı waqıyğalarğa êtärgeç buldı”,-dide. Ul Törkiyäneñ ber genä däwlätneñ dä territoriyäsenä qul suzmawın häm kürşe Süriyädä tınıçlıq häm totrıqlıq urnaşuın teläwlären assızıqladı.

“Törkiyäneñ iminlege häm mänfäğat’lärenä yanawçı bernindi adımğa röxsät birmäyäçägebezne belülären telibez. Cawaplılıqqa iyä barlıq yaqlarnıñ, xalıqara oyışmalarnıñ Süriyäneñ cir bötenlege saqlanuın yaqlawı - regionıbız öçen iñ xäyerle yul bulaçaq”,-dip söyläde Ärdoğan.