Zahid Sobacı: “Närsä bulğanın milliardlarça keşegä üz tuğan tellärendä añlatabız”

İstanbul Kongress üzägendä oyıştırılğan TRT World Forum 2024neñ açılışında çığış yasawçı Sobacı: "Bıyıl TRT World Forumınıñ töp temasın “Borılış noqtasında dönya: krizislärne häm üzgäreşlärne idarä itü” dip bilgelädek. Çönki böten keşelek yazmışın bilgeläyäçäk krizislär belän sınalğan çordan uzabız”, - dip äytte.

Sobacı, bügen belengän böten krizislärdän tağın da cimergeç krizis belän qara-qarşı torıluın belderep: "Bu krizisnıñ iseme vöcdan krizisı. Monıñ iñ anıq misalı Ğazzädäge genośid. İzrail ber yıldan kübräk qılğan genośid belän 44 meñnän kübräk ğazzäleneneñ ğomeren özde. 100 meñnän kübrägen yaraladı. Genośid näticäsendä häläq buluçılarnıñ 17 meñnän kübräge balaçağa, 2 meñnän kübräge bäbi, sabıylar. Şunı ayıruça iskärtep uzarğa telim: yäşängännärne çittän torıp küzätüçelärneñ genośid qorbannarınıñ barı tik sannardan ğına ğibarät bulmawın belüe zarur”, - dip äytte.

Sobacı, Könbatış illäreneñ Ğazzädäge humanitar krizislärgä yünälgän totışına iğ’tibarnı yünältep: "Bu keşelärneñ çın ğazapların kürmäwçe, iñ töp humanitar täläplären işetmäwçe Könbatış illäre Ğazzä sınawında böten dönyağa êksportlarğa tırışqan güyä qıymmätlärneñ astında qaldı, keşelekne beterep quydı. Genośid industriyäseneñ öleşenä äylängän media organnarı isä tınıp qalıp, xätta genośidnı xuplap, ruxların häm vöcdannarın satuğa quydılar. Fäqät härber humanitar krizista bulğanı kebek Ğazzädäge zolımğa qarşı toru cawaplılığın da Törkiyä üz östenä aldı. Xörmätle İlbaşıbız här platformada tawışın ğadellekneñ süzçese bularaq kütärä, zolım itüçelärneñ qanlı yözlären böten dönyağa açıp sala”, - dip bäyäläw yasadı.

Sobacı TRT bularaq İlbaşı Ärdoğan liderlığında Törkiyäneñ dönyada döreslekne häm xaqiqätne östen kürgän vizioner (aldan kürüçän) tapşırularnı başqaru öçen tırışuın belderep:

"Genośid başlanğan könnän bügengä çaqlı böten mömkinleklärebez häm sälätebez belän Ğazzäneñ awazı bulabız, närsä bulğanın milliardlarça keşegä üz ana (tuğan) tellärendä añlatabız. Monı yasağan çaqta genośidçı İzrailneñ bernindi äxlaqi häm keşe çiklären tanımawçı tınıçsız itülärenä, höcüm häm kirtälärenä dä duçar bulabız. Läkin bez Ğazzäneñ här poçmağınnan kütärelgän tawışnı dönyanıñ dürt ber poçmağına citkerergä tiyeş. Cäberlängän Fälästin xalqınıñ kürmämeşkä salınğan xikäyäsen kadrnıñ näq üzägenä urnaştırırğa mäcbürbez. Bu bezneñ sabıylarınıñ mäyetlären qapçıqlar belän taşırğa mäcbür itelgän fälästinlı ata-analarğa häm cäberlängän ğazzäle qardäşlärebezgä burıçıbız”, - dip iskärtep uzdı.

Sobacı Törkiyäneñ TRTse bulğan çaqta kürenmäs itep qılırğa tırışılğan genośidnıñ här mizgelegeneñ dokumentlaştırılaçağına basım yasadı.