Kurtulmuş AQŞ fiker liderların qabul itte

Numan Kurtulmuş amerikalı möselman fiker liderları belän parlamentta oçraştı.

Oçraşu waqıtında AQŞtağı möselman cämğiyäte wäkilläre alıp barğan êşçänlekne yaqınnan küzätep baruların äytüçe Kurtulmuş oyışmalar häm cämğiyätlär arasında tağın da yaqınraq xezmättäşlekneñ häm êlemtäneñ arttırıluınıñ möhimlegenä iğ’tibarnı yünältte.

Kurtulmuş, möselmannarnıñ üz köçlären abaylap belüläre häm üz kiläçäklären tözüläreneñ zarurlığına basım yasap, bigräk tä Fälästin mäs’äläsendä İslam dönyasınıñ safların tağın da nıq totuınıñ bergä köräş alıp baru telägen arttıraçağın iskärtep uzdı.

Kön’yaq Afrikanıñ BMO Xalıqara mäxkämäsendä İzrailgä qarşı açqan genośid mäxkämä êşeneñ Fälästin mäs’äläsendä yaña çornı başlatuın belderüçe Kurtulmuş möselmannar bularaq böten tırışlıqnı şuşı töp mäs’älägä yünältü kiräklegen bilgeläp uzdı.

İzrailneñ agressiyäsenä qarşı toru, Fälästin mäs’äläsenä çişeleş taba alu öçen isä köräşneñ här ölkädä alıp barunıñ möhimlegenä basım yasawçı Kurtulmuş İzrailneñ xalıqara mäydanda yalğız qaldırıluı, İslam ömmäteneñ berdämlegeneñ häm bötenlegeneñ täêmin itelüe, Fälästin mäs’äläseneñ barı tik möselmannarnıñ ğına tügel, keşelekneñ urtaq mäs’äläsenä äyländerelüe öçen tığız tırışlıq alıp barunıñ zarurlığın belderde.

Kurtulmuş Törkiyäneñ häm xökümäte belän, häm parlamentı belän, häm dä xalqı belän Fälästin mäs’äläsendä ber fikerdä buluın häm Fälästin däğwasınıñ Törkiyä öçen milli mäs’älä buluın belderep, Törkiyä bularaq İzrailneñ keşeleksez höcümnäreneñ tuqtatıluı häm bu mäs’älädäge keşelek frontınıñ tağın da küätländerelüe öçen tırışuların bilgeläp uzdı.