Ärdoğan: “Törkiyä terrorçılıqqa qarşı köräştä täwäkkäl”

Çankaya İlbaşı utarındağı kabinet cıyılışınnan soñ millätkä möräcäğät itüçe Däwlät başlığı Ärdoğan çığışın ülemeneñ 86 yıllığında milli köräşneñ särqaskäre, Cömhüriyätkä nigez saluçı Gazıy Mostafa Kämal Atatörekne tağın ber qat räxmät belän iskä alıp başladı.

Çığışında terrorçılıqqa qarşı köräştä täwäkkällek yullamasın citkerüçe Ärdoğan: "Terrorçılıq bulmağan, separatist oyışmanıñ qaranğı külägäse säyäsättän häm cämğiyättän tulısınça çigengän mul, xozurlı häm imin klimatnı ilebez külämendä motlaq räweştä urnaştıraçaqbız häm nığıtaçaqbız”, - dip äytte.

Ärdoğan Törkiyäneñ Kandildäge terror baronnarı qabızıp cibärgän şuşı qanlı häm xıyänätçe ülem tozağın tar-mar itüdä qatğıy buluına, monnan kire adım yasamayaçağına basım yasadı.