Ärdoğan Budapeştta oçraşular ütkärä

Törkiyä ilbaşı Räcäp Tayyip Ärdoğan Franśiyä däwlät başlığı Êmmanuêl’ Makron, Niderland xökümäte räise Dik Şuf häm Daniya prem’yerı Mette Frederiksen belän oçraştı.  

Bilgele bulğança, Ärdoğan Awrupa säyäsi cämğıyäte sammitında qatnaşu öçen Vengriyä başqalası Budapeştqa kitte. Çara qısalarında ul ikeyaqlı oçraşular da ütkärä.

Älege söyläşülär barışında Ärdoğan Törkiyäneñ Awrupa Berlegenä tulı äğ’zalıq strategiyäse belän xärälät itüen, prośessqa can örügä ixtiyac baqlığın, Berlek belän Törkiyä arasında tamğaxanä kileşüen yañartu kiräklegen häm törek watandaşlarına viza irege belän bäyle wäğ’dälärne tormışqa aşıru kötelüen assızıqladı. Monnan tış, ul Ukraina belän Rusiyä, İzrail belän Fälästin häm İzrail belän Livan arasındağı bäreleşlärgä diplomatiyä yulı belän çik quyıluınıñ barlıq däwlätlärneñ mänfäğatenä yarawın belderde.