TRTneñ fil'm festivale büläkläw tantanası uzdı

Törkiyä radio häm televideniye kompaniyäseneñ keşe häm keşelek qıymmätlären üzäkkä quyu fikere belän tormışqa aşırğan TRT World Citizen “Humanitarian" fil’m festivaleneñ büläkläw tantanası uzdı. İstanbulda oyıştırılğan çarada ilbaşınıñ cämäğat’çelek belän êlemtä bülege räise Fäxrettin Altun häm “TRT” ğomum mödire Mäxmät Zahid Sobacı da qatnaştı.

Fäxrettin Altun festival’neñ kön üzägendä keşe häm keşelek qıymmätläre buluına iğ’tibarnı cälep itte. “Bu festival’ keşe xoquqların saqlawnıñ ähämiyäten, sośial’ ğadellek, tınıçlıq, êkologiyä problemalarınıñ keşe tormışına täêsiren alğa çığara. Ul keşe tormışının niqadär ähämiyätle buluın xäterlätä”,-dide ul üzeneñ çığışında.

TRT ğomum mödire Mäxmät Zahid Sobacı festival’neñ dön’ya külämendä krizislardan zıyan kürgän keşelärneñ xikäyälären urtaqlaşu häm alarnıñ söylägännären härkemgä citkerü öçen tormışqa aşırılğan platforma buluın söyläde.

Bıyıl “İñ yaxşı fil’m” kategoriyäsendä berençelek Êkvadordan Roberto Valensiyäneñ “Tup yädräse itep qullanılğan keşe belän bulğan säyer oçraq” fil’mına birelde. İkençe urında - Paqıstannan Ali Soxail Jauranıñ “Üterüneñ tele” kartinası. Öçençelekkä  Yaponiyä rejissyerı Djimmi Ming Şumnıñ “Minem belän söyläş” fil’mı layıq buldı.