“Oruç Räis” Somaliğa barıp citte

Törkiyä ênergetika häm tabiğıy çığanaqlar ministrı Alparslan Bayraktar “Oruç Räis” seysmik tikşerenülär korabınıñ Somalidağı yaña wazıyfası urınına barıp citüen belderde. Ul 5nçe oktyabr’dän İstanbuldan yulğa quzğalğan köymä xaqında sośial’ media platforması “X” aşa mäğ’lümat citkerde. “Oruç Räis” qıytğalar arası yulçılığı belän wazıyfa urınına barıp ireşte. Cirle häm milli seysmik tikşerenü korabıbıznı bügen Somalida qarşılıybız”,-dide ministr.

“Oruç Räis” Urta diñgez, Süäyeş kanalı häm Qızıl diñgez marşrutı aşa Somalinıñ kontinental’ sularına barıp citte. Ul röxsäte alınğan 3 diñgez mäydanında neft’ häm tabiğıy gaz yatmaları belän bäyle mäğ’lümat cıyaçaq. Êşçänlekneñ yaqınça 7 ay däwam itüen kötelä.  

Mäğ’lümatlar soñınnan Änkarada analizlanaçaq häm, näticälärgä qarap, bilgelängän urınnarda borawlaw başlanaçaq