Fidan - Blinken söyläşüe

Törkiyä tışqı êşlär ministrı Xaqan Fidan AQŞ däwlät särqatibe Êntoni Blinken belän telefonnan söyläşte.

Tışqı êşlär ministrlığı çığanaqlarına qarağanda, Fidan söyläşüdä Ğazzäneñ tön’yağnda gumanitar xälneñ katastrofik däräcägä cütüen häm gumanitar yärdämnärne Ğazzägä özleksez kertüneñ möhimlegenä basım yasadı.

Söyläşü barışında Livandağı soñğı waqıyğalarğa bäyä birelde, Xaqan Fidan suğış böten töbäkkä cäyelmäsen öçen barlıq yaqlarnıñ iğ’tibarlı buluları kiräklegenä basım yasadı.

Törkiyä ministrı Ğazzadä utnı tuqtatu iğ’lan itü häm İzrailneñ Livanğa höcümnären tuqtatuı tiyeşlegen assızıqladı.

Ukrainadağı soñğı wäzğıyät’ turında da süz barğan söyläşüdä Blinken 23 nçe oktyabr’dä Änkaradağı Törkiyä aviaśiya häm ğaläm sänäğate şirkäte “TUSAŞ”nıñ Qahramanqazandağı ob’yektlarına oyıştırılğan terror höcüme nisbätennän Xaqan Fidannıñ qayğısın urtaqlaştı.