Ärdoğan Törkiyägä qaytuğa cıyılış ütkärde

Törkiyä ilbaşı Räcäp Tayyip Ärdoğan, Tatarstan başqalası Qazanda uzğan BRİKS sammitınnan qaytuğa, İstanbulda iminlek cıyılışı ütkärde. Anda başqala Änkarada Törek aviaśiya häm ğaläm sänäğate şirkäte kampusında bulğan häm 5 keşeneñ ğomere özelgän terrorçı höcüme, terrorçılıqqa qarşı köräştä yasalğan häm yasalaçaq adımnar centekle räweştä qaraldı.

Cıyılışta terrorçılıqqa qarşı köräşneñ nıqlılıq belän däwam itäçäge, terrordan çistartılğan Törkiyä öçen êşçänleklärneñ tuqtamayaçağı häm çiklärneñ ar’yağında “terroristan” tözelüenä berqayçan da yul quyılmayaçağı assızıqlandı.