Ğıyraqnıñ häm Süriyäneñ tön'yağına operaśiyälär oyıştırıldı

 Törkiyä milli  küzläw oyışması Törkiyä aviaśiya häm ğaläm sänäğate şirkäte ”TUSAŞ”nıñ Qahramanqazandağı ob’yektlarına terror höcüme bulğannan soñ Süriyä häm Ğıyraqnıñ tön’yağında “PKK/ YPG” separatist terror oyışmasına operaśiyälär oyıştırdı.

Operaśiyälärdä oyışmanıñ ênergiya- asqorma binası, logistika häm qoral saqlağıçı kebek küp sana strategik punktları nişan itep alındı.

Törkiyä Qorallı Köçläre isä Ğıyraqnıñ häm Süriyäneñ tön’yağına oyıştırğan hawa xäräkätendä separatist terror oyışmasınıñ 32 tämegen yuq itte.

Törkiyä milli saqlanu ministrlığı älege xäräkät turında belderü yasadı.

Anda äytelgänçä, “PKK/KCK” häm başqa terrorçı êlementlarnı täêsirsez xälgä kiterep, Ğıyraqnıñ tön’yağınnan xalqıbızğa häm iminlek köçlärenä qarata terrorçı höcümnären tuqtatu häm çiklärneñ qurqınıçsızlığın täêmin itü maqsatınnan, BMO kileşüeneñ 51nçe maddäsendä bilgelängän üz-üzeñne saqlaw xoquqı nigezendä Ğıyraqnıñ häm Süriyänen tön’yağındağı  terror tämeklärenä 23 nçe oktyabr’dä hawa xäräkäte başqarıldı.

Hawa xäräkätendä terrorçı oyışmanıñ 32 tämege yuq itelde.

Operaśiyäne başqarğanda küpçelek cirle qoral qullanılıp bik küp terrorçı täêsirsez xälgä kiterelde.

Xäräkät waqıtında ğayepsez keşelär, tarixi häm mädäni qıymmätlär, tirä-yaq moxit zarar kürmäsen öçen barlıq çaralar kürelde. 

Belderüdä Törkiyä Qorallı Köçläreneñ terrorçılıqqa qarşı operaśiyäläreneñ qatğıy räweştä däwam itäçäge assızıqlandı.