Änkarada terrakt buldı

Törkiyä êçke êşlär ministrı Ali Yärlikaya başqala Änkaranıñ Kaxramanqazan rayonındağı Törek aviaśiya häm ğaläm sänäğate şirkätenä (TUSAŞ) terrorçı höcüme oyıştırıluın, ülüçe häm yaralanuçılar barlığın citkerde. Ministr sośial’ media akkauntınnan yasağan belderüendä mondıy mäğ’lümatlarnı citkerde:  

“TUSAŞnıñ Änkara töbäge Kaxramanqazan rayonı ob’yektlarına qarata terrorçı höcüme buldı. Älege terraktta, qızğanıçqa, ülüçe häm yaralanuçılar bar. Şähitlärebezgä - Allahtan yarlıqaw, yaralanuçılarğa - şifa telim. Waqıyğalar turında cämäğat’çelekkä mäğ’lümat biräçäkbez. Räsmi çığanaqlardan yasalaçaq belderülärne genä iğ’tibarğa alığız.