"İzrail belän İran arasında suğış çığarğa mömkin"

Törkiyä tışqı êşlär ministrı Xaqan Fidan İzrail belän İran arasındağı suğış çığu mömkinlegeneñ bik yuğarı buluın belderde. Ul şäxsi ber telekanalğa interv’yusında Yaqın Könçığıştağı waqıyğalarğa bäyä birde.

“Xäzerge waqıtta bez ber-berse belän bäylängän waqıyğalar êçendä qaldıq. Ber cirdä - Fälästin Ğazzä genośidı, ikençe urında Livan bar, tağın İran belän suğış çığu ixtimalı kürenä. Barısınıñ da üzeneñ dinamikası bar. Barısın da añlıybız”-dide ministr.

Fidan İzrail belän İran arasındağı suğışqa äzer bulu kiräklegenä basım yasıy. “Regionda suğışnıñ cäyelüe bez telägän närsä tügel. Axırğı 20 yılda basıp alu, cimerügä duçar qalğan Yaqın Könçığış regionıbızda suğışnı tuqtatu mäs’äläsendä bar köçebez belän tırışlıq quyabız. Töbäk xalqınıñ totrıqlılığı häm iminlege öçen suğışnıñ bulmawı kiräk”, dip söyläde Törkiyä tışqı êşlär ministrı. Ul İrannıñ üzen yaqlaw öçen xärbi köç qullansa, moña xaqı buluın da üz süzlärenä östäde.