Bolat: “Törkiyä - xalıqara şirkätlär öçen möhim cälep itü üzäge bulıp qalaçaq”
Törkiyä säwdä ministrı Ömär Bolat Amerika Quşma Ştatlarında bik küp ildän êş dönyası wäkilläre belän küreşep söyläşte
BMO 79nçı Ğomum şurasında (General’ assambleyasında) qatnaşu öçen New Yorkta bulğan İlbaşı Räcäp Tayyip Ärdoğannı ozatıp yörüçe Ömär Bolat “X" sośial media akkauntınnan AQŞtağı oçraşuları turındağı yazması belän urtaqlaştı.
Ministr Bolat: "New Yorkta ike kön däwam itüçe ike yaqlı häm küp yaqlı söyläşülärebez qısalarında Amerikalı häm dönyanıñ bik küp ilennän kilgän êş dönyası wäkilläre belän oçraşıp, ilebezneñ potenśialın añlatabız”, - dip äytte.
Bu qısada AQŞ Säwdä palatası başlığı Syuzanne Klark belän cıyılış uzdıruların belderüçe Bolat cıyılışta Törkiyädäge kapital salu moxitı häm buluı mömkin forsatlarnıñ quzğatıluın citkerde.
Bolat Törkiyäneñ global’ säwdä üzgäreşlär kiçergän barışta iyä bulğan citeşterü säläte, global’ bazar belän urnaştırğan köçle çeltäre, êşçe köçe potenśialı häm täêmin itü kanalları belän êksport nığıtması (bazası) bularaq ayırılıp toruına basım yasadı.
Bolat Säwdä ministrlığı bularaq sanlı häm yäşel üzgärtep qoru barışındağı yul kartaları häm tormışqa aşırğan innovaśion säyäsätläre belän Törkiyäneñ şuşı potenśialın investorlar öçen tağın da otışlıraq itärgä tırışularına iğ’tibarnı yünältep: "Törkiyä säwdä häm iq’tisad ölkäsendä yasağan täwäkkäl adımnarı belän bügen bulğanı kebek kiläçäktä dä investorlar häm xalıqara şirkätlär öçen möhim cälep itü üzäge bulıp qalaçaq”, - dip belderde.
