Fidan Misırda Soğud Ğaräbstanı, Tunis häm Ürdün wazıyfadaşları belän küreşte
Törkiyä Tışqı êşlär ministrı Xaqan Fidan kiçä Misır başqalası Qahirädä Soğud Ğaräbstanı, Tunis häm Ürdün (İordaniyä) tışqı êşlär ministrları belän ayırım-ayırım oçraştı
Tışqı êşlär ministrlığınıñ “X" akkauntınnan urtaqlaşılğan yazmada:
"Ministrıbız Xaqan Fidan Ğaräp Ligasınıñ 162nçe tışqı êşlär ministrları şurası cıyılışı qısalarında Soğud Ğaräbstanı tışqı êşlär ministrı Faysal bin Färxan belän Qahirädä oçraştı”, - dip äytelde.
Başqa ber yazmada isä Fidannıñ cıyılış qısalarında Tunis tışqı êşlär ministrı Möxämmäd Ali än-Näfti häm Ürdün (İordaniyä) tışqı êşlär ministrı Äymän äs-Safädi belän ayrım-ayırım küreşep söyläşüe belderelde.
Törkiyä 13 yıl aradan soñ Ğaräp Ligasınıñ 162nçe çirattağı tışqı êşlär ministrları şurasınıñ cıyılışında qatnaşqan, ministr Fidan biredä çığış yasağan ide.
Fidan cıyılış qısalarında Awrupa Berlege komissiyäse räise urınbasarı, tışqı mönäsäbätlär häm iminlek säyäsäte yuğarı wäkile Josep Borrel’ belän dä küreşep söyläşkän ide.
Bäyläneşle xäbärlär
Ärdoğan Törki däwlätlär oyışmasınıñ qorılu köne belän qotladı
Törkiyä ilbaşı Törki däwlätlär oyışmasın tağın da nığıtaçaqların citkerde
