"Turizm ölkäsendä maqsatlarıbızğa ireşerbez dip ışanabız"

İlbaşı Räcäp Tayyip Ärdoğan turizm sezonınıñ yaxşı ütüen häm Törkiyäneñ 60 million turist maqsatına ireşäçägen äytte.

Ul ilbaşı idaräseneñ kabinet cıyılışınnan soñ xalıqqa möräcäğat’ itte.

İlbaşı 1 nçe sentyabr’dä xezmätkä kergän “Rixos Tersane İstanbul” qunaqxanäseneñ İstanbul turizmına häm şähärne tanıtuğa zur öleş kertäçägenä ışanuın citkerde.

İlbaşı bilgeläp uzğança, uzğan yıl İstanbulğa 17 million 370 meñ turist kilgän häm Törkiyädä dön’yanıñ törle poçmaqlarınınnan 56 million 700 meñ keşe qunaq bulıp kitkän.

“Beznen bıyılğı maqsat - 60 million turist häm 60 milliard dollar turizm kereme. Bıyılnıñ berençe 7 ayında 35 million turist qabul ittek. Töbäktäge qaynar bäreleşlärgä qaramastan turizm sezonı yaxşı bara. Bez turizm ölkäsendä 2024 nçe yıl maqsatlarına ireşerbez dip ışanabız”,- dide ilbaşı Räcäp Tayyip Ärdoğan.