Ärdoğan İslam däwlätlärenä möräcäğat' itte

Törkiyä ilbaşı Räcäp Tayyip Ärdoğan İslam xezmättäşlege oyışmasınıñ waqıtnı ozaqqa suzmıyça liderlar däräcäsendä cıyıluı häm İzrailgä qarşı nıqlı poziśiyäsen kürsätüe kiräklegen belderde. Ul kabinet cıyılışınnan soñ xalıqqa möräcäğat’ itte.

Ärdoğan Ğazzädä utnı tuqtatu tırışlıqları häm yärdämnärneñ kirtälärsez kerüe öçen alıp barıluçı aradaşlıq êşçänleklärendä Misır dairälärenä teräk buluların citkerde. “İzrail üzeneñ êkspanśiyä säyäsäten tizlätkän çorda bezgä,  töbäktäge başqa barlıq illar şikelle ük, berdämlek frontın nığıtırğa kiräk. Ğazzädä 12nçe ayına kergän genośidqa qarşı islam dön’yasınıñ tağın da nıqlı torış kürsätüe öçen tırırşlıqlarnı arttırdıq”,-dide ul.

Ärdoğan İzrail xökümäteneñ berençe qıybla Äl-Aqsa mäçeten dä üz êçenä alaçaq räweştä kiñäyergä teläwe açıq kürenüenä iğ’tibarnı cälep itep bolay dide: “Xaräm-i Şärifkä qarata sionistlarnıñ êzärlekläwe häm basqınnarı arttı. Bez monı yaqınnan küzätäbez”.

İlbaşı Qudüs - Yerusälimneñ üzläre öçen ähämiyätle çik buluın assızıqladı. “Burıçı Qudüs däğ’wasın yaqlaw bulğan İslam xezmättäşlek oyışması könnän-kön duamallaşuçı bu höcümnärgä bitaraf qala almıy,”-dide Ärdoğan häm oyışmağa kerüçe illärneñ liderların cıyılışırğa çaqırdı.