Ayşänurnıñ gäwdäsen qaytaru öçen tırışlıq däwam itä

İzrail köçläre ber tınıç protest waqıtında ütergän törek watandaşı Ayşänur Äzgi Äygineñ gäwdäsen Törkiyägä qaytaru öçen êşçänleklär däwam itä. Bu xaqta tışqı êşlär ministrlığı süzçese Öncü Käçäli belderde. Ul Fälästinnän Yordaniyägä iltüçe ciröste yullarınıñ kiçä İzrail tarafınnan yabıluın äytep bolay dide: “Älege qısalarda, watandaşıbıznıñ ğailäseneñ teläge belän mäyetne qaytarunı soñğa qaldırmaw niyätennän anı oçqıç belän turıdan Törkiyägä kiterü öçen tırışabız. Êşçänlekne tiz arada tögälläw öçen Qudüs konsullığıbız cirle dairälär belän êlemtädä torıp prośessnı küzätä”.

AQŞ watandaşlığı da bulğan törek aktivistı Ayşänur Äzgi Äygi 6nçı sentyabr’dä Yordannıñ basıp alınğan Könbatış yarındağı Nablus şähärendä uzğan tınıç protest waqıtında İzrail ğaskärläre açqan utta başına yädrä tiyep hälaq buldı.