Ärdoğan Täbbunnı qabat ilbaşı bulıp saylanuı belän qotladı
Törkiyä ilbaşı anıñ belän telefon aşa êlemtägä kerde
İlbaşı idaräseneñ êlemtä bülege xäbär itkänçä, Törkiyä ilbaşı Aljir däwlät başlığı belän telefonnan söyläşte.
Törkiyä ilbaşı Räcäp Tayyip Ärdoğan Abdülmäcid Täbbunnı Aljirda uzğan saylawda qabat ilbaşı bulıp saylanuı belän qotladı.
Ärdoğan saylaw näticäläreneñ Aljir xalqınıñ soñğı 5 yılda yasalğan adımnarnı xuplawınıñ kürsätkeçe buluın, Aljirnıñ totrıqlılığı häm mullığınıñ yaña çorda tağın da nığıyaçağın, Törkiyä - Aljir mönäsäbätläreneñ här ölkädä üsäçägenä ışanuın citkerde.
Ärdoğan Aljir ilbaşın Törkiyägä kilergä çaqırdı, Aljirnıñ BMO İminlek şurasınıñ waqıtlıça äğ’zası bularaq Fälästin däğ’wası êşçänleklären Törkiyäneñ yuğarı bäyäläwen, İzrailneñ Fälästin xalqına qarata höcümnären tuqtatu öçen ike il tırıışlıqlarınıñ däwam itäçägen belderde.
