Qara diñgezdä tabiğıy gaz çığaru 6 million kubometrdan uzdı

Törkiyä ênergetika häm tabiğıy çığanaqlar ministrı Alparslan Bayraktar Qara diñgezdä tabiğıy gaz çığarunıñ 6 million kubometrdan uzuın citkerde. Ul Osmaniyä töbägendä oçraşular uzdırdı, ictimağıy oyışma wäkilläre häm êşmäkärlär belän söyläşte.  

Bayraktar üzeneñ çığışında Törkiyäneñ ênergetikada bäysezlegenä basım yasadı, ilneñ äle küptän tügel genä qullanğan gazınıñ 99%ın çittän satıp aluın xäterlätte. Ul 2016nçı yıldan başlap Törkiyäneñ diñgezdäge xoquqıy mäydannarda üz köçe belän neft’ häm gaz êzläw êşçänleklären başlawın, 2020nçe yılda isä Qara diñgezdä tabılğan gaznıñ yortlarğa cibärelä başlawın söyläde.  

“Xäzerge waqıtta Törkiyädä 2,6 million yort öçen tabiğıy gaznı Qara diñgezdäge Sakariya yatmasınnan çığarabız”,-dide ul.

Ministr Şırnaqnıñ Gabar töbägendä dä köndälek 47 meñ miçkä neft’ citeşterelüen belderde.  Ul ênergetikada tışqa bäylelekne kimetü öçen êşçänleklärneñ barlıq köçe belän däwam itüenä basım yasadı.  

Bayraktar Märsinneñ Gülnar rayonında tözelüçe Aqqoyı atom-töş stanśiyäsenä dä ayırım tuqtaldı. Anda barlıq reaktorlar ğamälgä kergännän soñ Törkiyäneñ êlektr ixtiyacınıñ 10%ın qanäğat’länderäçäk.