"İzrailneñ däwlät terrorına qarşı toru - Törkiyä öçen milli mäs’älä"

Törkiyä ilbaşı Räcäp Tayyip Ärdoğan İzrailneñ däwlät terrorına qarşı torunıñ Törkiyä öçen milli mäs’älä buluın belderde.

Ul bu xaqta Kocaälindäge qorıltayda yasağan çığışında citkerde.

İlbaşı üz çığışında basıp alınğan Yordannıñ könçğış üzänlegendäge Nablus şähärendä kiçä tınıç maqsatlı protest çarasında qatnaşqan törek aktivistrı Ayşänur Äzgi Äygineñ  İzrail ğaskärläreneñ ut açuı näticäsendä ğomeren yuğaltuın iskärtte.

“İzrail kiçä Ayşänur Äzgi Äygine üterde. Xäzergä çaqlı tınıç xalıqtan 40 meñ ğayepsez keşene, şul isäptän 17 meñ balanı üterdelär. İzrail Ğazzädä tuqtamayaçaq. Ramallaxnı basıp alğannan soñ başqa cirlärgä yul totaçaq. Regiondağı bütän illärgä dä çirat citäçäk. Alar monı açıqtan - açıq äytälar. Bez şuna kürä “Xamas” möselmannar isemennän qarşılıq kürsätä dip äytäbez. İzrailneñ däwlät terrorına qarşı toru - bezneñ burıçıbız. Älbattä bu milli mäs’älä. İslam illäre tizräk uyanırğa häm xezmättäşlekne arttırırğa tiyeş”,- dide Törkiyä ilbaşı.

İlbaşı Ärdoğan Törkiyä - Misır mönäsäbätlärenä dä tuqtalıp: “Misır belän başlanğan yaña barış Ğazzä häm Fälästin faydasına bulaçaq. Törkiyäneñ tışqı säyäsättä manevr mäydanın kiñäytep monnan soñ da kiräkle adımnarnı yasayaçaqbız”,- dide.