"Programmağa tulısınça ışanabız"
İlbaşı “2025 - 2027 Urta möddätle programma”nı şundıy süzlär belän bäyäläde
Törkiyä ilbaşı Räcäp Tayyip Ärdoğan kiçä üzeneñ sośial’ media akkauntında “2025 - 2027 Urta möddätle programma”ğa qağılışlı belderü yasadı.
“Bügen iğ’lan itelgän häm Törkiyä iq’tisadı öçen zur ähämiyätkä iyä bulğan “2025 - 2027 Urta möddätle programma” ilebez häm xalqıbız öçen faydalı bulır dip ışanam. İnflyaśiyägä qarşı qatğıy köräş däwam itkändä, investiśiyälär, citeşterü, êş belän täêmin itü, êksport häm üseşkä östenlek birgän, awıl xucalığı, sänäğat’, yuğarı texnologiya, turizm häm küp tarmaqlarnı nığıtaçaq bu programmağa tulısınça ışanabız. Bez bilgelängän maqsatlarıbızğa ireşü, watandaşlarıbıznıñ mullığın arttıru häm nigezläre nıq iq’tisadıbıznıñ kiläçäk buınnarıbız öçen dä totrıqlılığın täêmin itü öçen tuqtawsız êşläyäçäkbez”,- dide ilbaşı Ärdoğan üzeneñ belderüendä.
