Ärdoğan - bin Sälman söyläşüe uzdı

Törkiyä ilbaşı Räcäp Tayyip Ärdoğan Soğud Ğaräbstanı täxet warisı, prinś Möxämmäd bin Sälman bin Abdülaziz Äl Suud belän telefonnan söyläşte.

Ärdoğan söyläşüdä İzrailneñ Fälästin cirlärendä başqarğan cinayät’lärenä qarşı xalıqara cämäğat’çelekneñ basımnarnı arttıruınıñ ähämiyäten assızıqladı.

Törkiyä ilbaşı İzrail höcümnäreneñ häm keşe xoquqların bozuınıñ tuqtatıluı, daimi utnı tuqtatunıñ täêmin itelüe zarurlığın belderep, bu mäs’älädä İslam illäreneñ bergä êş başqaruınıñ ähämiyätenä basım yasadı.