Törkiyä belän Ğıyraq arasında kileşü memorandumı
Tışqı êşlär ministrı Xaqan Fidan Törkiyä häm Ğıyraq arasında xärbi häm iminlek xezmättäşlege belän terrorçılıqqa qarşı köräş turında kileşü memorandumına qul quyıluın, monıñ tarixi ähämiyätkä iyä buluın belderde
Xaqan Fidan Ğıyraq Baş ministr urınbasarı häm tışqı êşlär ministrı Fuad Xösäyen belän Törkiyä-Ğıyraq yuğarı däräcäle iminlek mexanizmınıñ 4nçe cıyılışınnan soñ Ministrlıqta oyıştırılğan urtaq matbuğat oçraşuında çığış yasadı.
Fidan “PKK” separatist terror oyışması mäs’äläsendä Ğıyraqnıñ xäbärdarlığınıñ artuınıñ kürenüen äytte.
Fidan Törkiyä belän Ğıyraqnıñ bilgele ber waqıttan birle söyläşülären alıp barğan xärbi, iminlek xezmättäşlege häm terrorçılıqqa qarşı köräş turında kileşü memorandumınıñ ike ilneñ saqlanu ministrları tarafınnan imzalanuın häm monıñ tarixi ähämiyätkä iyä buluın iskärtep uzdı.
Kileşüdä küzdä totılğan urtaq koordinaśiyä häm mäğarif üzäkläre aşa xezmättäşlekneñ tağın da yuğarı däräcägä citkereläçägenä ışanıluına basım yasawçı Fidan terrorçılıqqa qarşı köräş mäs’äläsendä Ğıyraq belän üsterelgän añlayış berlegen (konsensusnı) mäydanda anıq, tögäl adımnar belän alıp barıluın teläwlären belderde.
Bu qısada Törkiyä belän Ğıyraq arasında terrorçılıqqa qarşı köräş öçen Bağdatta urtaq iminlek koordinaśiyäse üzäge häm Başikada da urtaq mäğarif häm xezmättäşlek üzäge tözeläçäk. Bu üzäklär ike ilneñ terrorçılıqqa qarşı, şul isäptän “PKK” separatist terror oyışmasına qarşı köräştä urtaq êşçänlek alıp baruına mömkinlek buldıraçaq.
Bäyläneşle xäbärlär
Törek tikşerenüçeläre asteroidqa isem biräçäk
2021nçe yılda tabılğan kük cisemeneñ asteroid buluın 9nçı sıynıf uquçısı hm anıñ uqıtuçısı açıqladı
