Fidan törekmän wazıyfadaşı belän küreşte

Törkiyä tışqı êşlär ministrı Xaqan Fidan Törekmänstan Ministrlar şurası räise urınbasarı häm tışqı êşlär ministrı Räşit Märädov belän başqala Änkarada küreşte.

Ministrlıknıñ X sośial’ säxifäsendäge akkauntında bolay dip citkerelde: “Ministrıbız Xaqan Fidan Törekmänstan Ministrlar şurası räise urınbasarı häm tışqı êşlär ministrı Räşit Märädov belän başqala Änkarada küreşep söyläşte.”

Diplomatik çığanaqlar da Fidan belän Märädovnıñ imzalanaçaq yaña kileşülär, iqtisad ölkäsendä Törkiyä belän Törekmänstan xezmättäşlegeneñ nığıtıluı mömkinçelegen söyläşüen belderde.

Törekmänstan belän 5 milliard dollarlık säwdä külämeneñ maqsat itelüen citkerüçe çığanaqlar ministrlarnıñ bu maqsatnı arttıru mäs’äläsendä fiker alışuların assızıqladı.

Söyläşüdä şulay uq transportnıñ qulaylaştırıluına qarağan yasaluı zarur adımnar quzğatıldı. Törekmänstan tabiğıy gazınıñ Törkiyä häm Awrupa bazarlarına citkerelüe mäs’äläsendäge xezmättäşlek mömkinleklärenä bäyä birelde.

Ğazzädäge soñğı wazğıyät’ häm Ukrainadağı täraqqıyät’lär da quzğatıldı.