Fälästin däwlät başlığı bügen Törkiyägä kilä
Mäxmüt Abbas 14-15 avgustta Törkiyägä säfär yasıy
2174489
Fälästin däwlät başlığı Mäxmüt Abbas 14-15 avgustta Törkiyägä kilä.
Törkiyä ilbaşı Räcäp Tayyip Ärdoğan Abbas belän 5 aydan soñ başqala Änkarada İlbaşı rezidenśiyasendä küreşep söyläşäçäk.
Ärdoğan-Abbas söyläşüendä İzrailneñ Ğazzä sızığındağı küpläp üterüläre, töbäktäge gumanitar krizis häm utnı tuqtatu êzlänüläre quzğatılaçaq, İran-İzrail kiyerenkelege belän ber rättän töbäktä üskän basım da qaralaçaq.
Mäxmüt Abbas 15 avgustta isä Törkiyä Böyek Millät Mäclese ğomum şurasında çığış yasayaçaq.
Abbasnıñ çığışı “Xamas” liderı İsmail Xäniyyägä 31 iyul’dä oyıştırılğan höcümnän soñ Törkiyäneñ Fälästingä teläktäşlegeneñ tağın ber qat iñ köçle räweştä iğlan itelüen añlata.
