Ärdoğan Qatar Ämiren qabul itte

Törkiyä ilbaşı Räcäp Tayyip Ärdoğan Qatar Ämire Şäyex Tämim ibn Xamäd Al Sanine İlbaşı rezidenśiyasendä qabul itte.

Söyläşüdä Törkiyä belän Qatar mönäsäbätläre, İzrailneñ Fälästin cirlärendäge höcümnäre, regional’ häm global’ täraqqıyät’lär quzğatıldı.

Ärdoğan söyläşüdä İzrailneñ Xamas säyäsi byuro başlığı İsmail Xäniyä höcüme belän utnı tuqtatırğa telämäwen tağın ber tapqır kürsätüen, Törkiyäneñ töbäkkä daimi tınıçlıq häm xozur alıp kiläçäk çişeleş öçen tırışlıq quyırğa däwam itüen, Qatar belän bergä tağın da näticäleräk tırışlıqlarnı arttırırğa teläwlären açıqladı.

Törkiyä ilbaşı İzrailneñ Fälästin cirläre häm Livandağı höcümnäre belän töbäktä kiyerenkelekne üsterergä tırışuın, soñğı könnärdä artqan İzrail agressivlığın tuqtatu öçen xalıqara cämäğat’çelekneñ aktiv adımnar yasawı zarurlığın belderde.

Törkiyä ilbaşı Räcäp Tayyip Ärdoğan Törkiyäneñ Qatar belän iqtisadi mönäsäbätlär belän ber rättän säyäsät, xärbi, säwdä häm mädäniyät ölkälärendä xezmättäşlekne üsterü mäs’äläsendä täwäkkäl buluın, yasalaçaq adımnar belän ike il arasındağı teläktäşlekneñ nığıyaçağın äytte.