Törkiyä: “Xalıqara xoquq İzrail räsmiläreneñ cawapqa tartıluın täêmin itäçäk”
Törkiyä BMO Xalıqara mäxkämäsendä İzrailgä qarşı açılğan mäxkämä êşendä qatnaşu ğarizasınıñ Fälästin mäs’äläseneñ ğadellek qısalarında xäl itelüenä birelgän ähämiyätneñ çağılışı buluın belderde
Tışqı êşlär ministrlığı Kön’yaq Afrika Cömhüriyäteneñ İzrailgä qarşı Xalıqara mäxkämädä açılğan sud prośessında Törkiyäneñ qatnaşuı turında belderü yasadı.
Belderüdä: “Kön’yaq Afrika Cömhüriyäte tarafınnan İzrailneñ 1948nçe yılğı genośid cinayäteneñ totqarlanıluı häm cawapqa tartıluı kileşüenä bäyle yöklämälärne bozuı belän bäyle bularaq İzrailgä qarşı BMO Xalıqara mäxkämäsenä yasalğan möräcäğätne ilebez barışnıñ başınnan birle küzätä”, - dip äytelde.
Prośessta qatnaşu mömkinlekläre bäyälängännän soñ Törkiyäneñ mäxkämä êşendä qatnaşu qararı Tışqı êşlär ministrı Xaqan Fidan tarafınnan 2024nçe yılnıñ 1nçe may könne açıqlanuı xäterlätelgän belderüdä: "Bu barışta Ministrlığıbıznıñ koordinaśiyäsendä bäyläneşle oyışmalarnıñ öleşe belän alıp barılğan kiñ qırlı xoquq êşçänlegennän soñ mäxkämä barışında qatnaşu bäyannämäbez BMO Xalıqara mäxkämäse statusınıñ 63nçe mäddäse qısalarında Genośid kileşüenä taraf il bularaq 2024nçe yılnıñ 7nçe avgust könne mäxkämägä tapşırıldı”, - dip äytelde.
Belderüdä: "Mäxkämä prośessında qatnaşu qararıbız ilebezneñ Fälästin mäs’äläseneñ xoquq häm ğadälät qısalarında xäl itelüenä birgän ähämiyäteneñ çağılışı. Keşelek vöcdanı häm xalıqara xoquq İzrail räsmiläreneñ cawapqa tartıluın täêmin itäçäk”, - dip bilgeläp uzıldı.
Bäyläneşle xäbärlär
Ärdoğan "Boykot"nı urtaqlaştı
Törkiyä ilbaşı yasalma aqıl icat itkän “Boykot” cırın üz akkauntında urtaqlaştı
