Ärdoğan - Maduro söyläşüe uzdı

Törkiyä ilbaşı Räcäp Tayyip Ärdoğan Venesuêla däwlät başlığı Nikolas Maduro belän telefonnan söyläşte.

İlbaşı idaräseneñ êlemtä räislegennän yasalğan belderügä kürä söyläşüdä Törkiyä belän Venesuêla mönäsäbätläre, regional’ häm global’ mäs’älälär quzğatıldı.

Ärdoğan söyläşüdä Venesuêladağı saylawnıñ xäyerle buluın teläde, Törkiyäneñ Venesuêladağı dialog barışın xuplarğa däwam itäçägen, Venesuêla xalqına xozur, mullıq häm isänlek teläwlären açıqladı.

Törkiyä ilbaşı Venesuêlanıñ İzrail zolımına qarşı Fälästingä kürsätkän teläktäşlegen täqdir itüen belderde.