Törek hawa yulları yaña reyslar aça

Dön’yanıñ iñ küp urınına oçuçı aviaśiya şirkäte bulğan Törek hawa yulları Çili, Misır, Soğud Ğaräbstanı, İspaniya, Azärbaycan, Franśiya, Sudan, Qazaqstan häm Somalida yaña oçu urınnarı açaçaqların açıqladı.

2024 yılnıñ ikençe kvartalında yulçı sanın 7,7%ka arttırğan Törek hawa yulları yaña reyslar östendä êşli.

Törek hawa yulları oçqıç buşlığına häm bazar şartlarına qarap Çilineñ Sant’yago, Soğud Ğaräbstanınıñ Abha, Misırnıñ Avan, Rusiyäneñ Maxaçkala, İspaniyaneñ La-Korun’ya, Azärbaycannıñ Länkärän, Franśiyaneñ Nant, Sudannıñ Port Sudan, Qazaqstannıñ Atıraw, Paqıstannıñ Sialkot, Somalineñ Xargeysa häm Pol’şanıñ Katoviśe şähärlärenä tariflı säfärlärne başlatırğa qarar birde.  

Älege çorda 22 million 100 meñ yulçı taşığan häm 591 million dollarlık kerem täêmin itkän aviaśiya şirkäte personal sanın da 7%ka arttırdı.

Bu qısada uzğan yılnıñ şul uq çorına kürä pilot häm pilot namzäte sanı 11%, êkipaj sanı isä 6%ka arttı.

Ağımdağı yılnıñ ikençe kvartalında pilot häm pilot namzäte sanı 7082, êkipaj sanı isä 15 163 buldı. Tuplam personal sanı 33 486 bularaq terkälde.